TUNI ZINGSANG NEW ZEALAND GAMBUP LOCKDOWN NI (51) LEVEL 2 NI (2) NI ZINGSANG BIAKPIAKNA AH THALAK KHOP DING
Tua ciangin Elisha in thu ngenin, “Topa aw, kong thum hi; amah in a muh theih nadingin ama mitte honsak in,” aci hi. Kumpite Nihna 6:17
Thubulphuh : A Kimutheilo lah A Om taktakte
Discover Magazine a editor a sem Stephen Cass in a nisim nuntakna sungah om taktak napi a kimu theilo nate thu hoihtak a kancian ding hong khensat hi. New York khuapi a om a zum lam manawh in a pai kawm in: Empire State Building (Radio kikhahkhiatna leh TV antenna-te ong ngaihsun hi. Tua ciangin mit tawh kimu theilo a om taktak van leh nate – Radio, TV Signals, WiFi cihte’n a umcih zihziah ahihlam phawk khia hi.
Elisha ii sawltakpa in mit tawh muhtheihloh a omtaktak nate zingsang khat hong mu thei hi (mit muh theihloh Kha lam omzia). Aram ii galktapte’n a umcihna a muh ciangin a pu phong hi. Aam mit in a muh theih ciangciang (a muh tawp dong) galkapte sakol tawh a ding zihziah mu hi (2 Kum.6:15). Sawltakpa bel lau mahmah hi. Ahi zongin Elisha in amau’ a ompih vantung mite mu ahihmanin lau hetlo hi. Amah in, ‘Kihta kei in; bang hang hiam cih leh amaute tawh a omte sangin eite tawh a omte tamzaw hi,’ a ci hi (v.16).
Tua ciangin Pasian in na khempeuh ukna nei ahihna le vangtung mite’n a ompihna a muh theih nadingin a sawltakpa mit a kihon nadingin Topa kiangah a ngetsak hi (v.17). Cihmawhna le beidong na kisa lua kha hiam? Na khempeuh Pasian ii ukna nuai ah om hi-a, nang adingin hong dosak ding ahih lam phawk gige in. “nangmah a hong cing dingin amah in ama vantungmi nang hong kemsak ding hi” (Late 91:11).
Pasian in a vangliatna tawh hong panpihnate na muan semsem theih nadingin bangci sintoh ding na hiam? Amah na muanna hangin na tuah haksatnate bangci vengsakzo ding na hiam? Pasian in eite aa hi-a, ei tawh hong omkhawm den ahihmanin laukei ni. Akimu thei te bek umlo in muh theihloh hang a om lam ih theih gige Pasian om takpi aa, Eite kitangsapleh ih nget khempeuh ong pia nuam Pasian ih neih lam phawk gige ni. Topa’n khamuanna leh lau hetlohna ong pia tahen. Amen.